Дагъустандин Гьукуматди республикадин халкьарин чIаларал текстеринни аудиокхьинрин рекъемрин ктабхана арадал гъуниз 15 миллион манат пул чара авунва. Такьатар РД-дин рекъемрин рекьяй вилик финин, информациядин ва печатдин министерстводиз рекье твадайвал я. Алай вахтунда А. Тахо-Годидин тIварцIихъ галай Дагъустандин педагогикадин илимдинни ахтармишунрин институтди урус чIалай хайи (авар, дарги, къумукь, лезги, лак ва табасаран) чIалариз 50 агъзур жумла таржума авунин тапшуругъ кьилиз акъудзава. Гьар чIалаз талукь пешекаррикай ибарат таржумачийрин дестеяр арадал гъанва. Гьукуматди къачунвай кам милли чIалар патал важиблуди я. «Яндекс Таржумачи» сервисда чи чIал пайда хьуникай малуматар чав фадлай агакьнавай. И кардал кIукI гъун патал ва, кьилинди, дуьз, ерилу таржумачи хьун патал гьакъисагъвал ва жавабдарвал эвелимжи чкадал эцигна кIанзава. (кьатl агъадихъ гузва ) Куругъли Ферзалиев, А.Тахо-Годидин тIварцIихъ галай ДНИИП-дин хайи эдебиятрин хилен илимдин къуллугъчи
