Накь Махачкъалада кьиле фейи Лезги диктантдиз атанвайбурукай виридалайни бицIиди и шикилдай аквазвай бала я. "Аял - кьепIинамаз, дана - епинамаз" - лугьузва бубайрин мисалда. Диде-бубайри гъвечIи чIавалай чпин веледриз хайи чIал, тарих, милли адетар чирунихъ еке метлеб ава. Бакир Агьмадова янавай и шикил и рекье вижевай чешне я. Къуй Аллагьди и баладиз яргъи ва шад уьмуьр гурай. ЧIехи хьайила адакай диде-бубадин, хайи чилин къадир авай ватанперес хьурай! Амин! Аялдин вилик квай "Лезги гьарфар" тIвар алай ктабдин автор Дагъустандин халкьдин шаир Пакизат Фатуллаева я. Накь ада Лезги диктантдиз аялар патал вичин патай и ктабдин 200 экземпляр рекье тунвай. Аллагь рази хьурай вичелай! Лагьана кIанда, Пакизат Фатуллаевадихъ эхиримжи йисара аялар патал кхьенвай хейлин ктабар ава. Абур "Лезги газетдин" редакциядай маса гузва.
ГьакӀни кӀелa
Claude Code, Anthropic компанияди кlвалахдайбурун чкаяр тамамвилелди кьуна: абуру гьисабзава хьи РКЬ-ни компаниядин кар гьикl дегишнава.
Камиль Куругълиеваз АСШ-ра къведай дуьньядин чемпионатдал вичи нихъ галаз акъажунар ийидатӏа чир хьана.
